"İlk Addımlar" sistemində sertifikatı əldə etmək üçün növbəti mərhələləri keçmək lazımdır.

1. - Sistemdə qeydiyyatdan keçmək lazımdır. Qeydiyyatdan keçərkən, istifadəçi adınızın, parolunuzun və ən əsası, adınızın ingiliscə yazılışına diqqət yetirin (adınız tam yazılmalıdır, məs, Aghayev Emin).
2. - Qeydiyyatdan keçdikdən sonra ilk səhifədən öz istifadəçi adınızı və parolunuzu yazaraq, sistemə daxil olun.
3. - Menyuda "Testlər" hissəsindən sizə lazım olan testi seçib imtahana başlaya bilərsiniz.
4. - İmtahani uğurla başa vurduğunuz halda, "Testin vəziyyəti" hissəsində "Testi keçdiniz" yazılacaq və sizin nominasiyanız qeyd ediləcək.
5. - Bundan sonra "İMTAHANI SONA ÇATDIR" linkini basmaqla pəncərəni bağlayırsınız. Bununla da, siz imtahan prosesinin 50%-ini keçmiş olursunuz.
6. - Siz həmçinin digər imtahanlardan keçə, bir imtahanı bir neçə dəfə verə bilərsiniz.
7. - Növbəti addımda bizim Mərkəzə yaxınlaşırsınız.
8. - Mərkəzə gələrkən, öz İD nömrənizi bilməyiniz (qeydiyyatdan keçərkən hər bir istifadəçiyə verilən nömrə, sistemə daxil olduqda ilk səhifədə yazılır), şəxsiyyətinizi təsdiq edən sənəd (pasport, şəxsiyyət və ya sürücülük vəsiqəsi, yaxud doğum haqqında şəhadətnamə) və 20 AZN gətirməyiniz lazımdır.
9. - Mərkəzə yaxınlaşaraq, "İlk Addımlar" mərkəzinin sertifikatını almaq istədiyinizi bildirirsiniz. Bundan sonra isə, öz İD nömrənizi deyirsiniz.
10. - İD nömrəni dedikdən sonra, sizin haqqınızda bazada axtarış aparılacaq və sizin uğurla keçdiyiniz imtahanlar göstəriləcək. Ordan hansı imtahanın sertifikatını almaq istədiyinizi deyirsiniz.
11. - Sertifikatı almaq istədiyiniz imtahan üzrə sizə blank veriləcək. Blankı tam doldurmaq lazımdır. Orda sizin əlaqə vasitələriniz, ən əsası, imtahanda düzgün cavablandırdığınız üç sual (onların üçünə də düzgün cavab verməlisiniz) veriləcək.
12. - Blankı doldurduqdan sonra, imzalayıb operatora təqdim edirsiniz.
13. - Operator sizin cavablandırdığınız sualları bazada yoxlayır, cavabların düzgün olduğu təqdirdə, imtahanı sizin verməyiniz təsdiqlənir. Bundan sonra 20 AZN ödəniş edirsiniz.
14. - Ödəniş etdikdən sonra, mərkəzdə sertifikatınızı çap edib sizə təqdim edirlər. Beləliklə, siz "İlk Addımlar" sisteminin sertifikatlaşdırma prosesini tam keçmiş olursunuz.

Uğurlar arzulayırıq!